იტალიური გამოცემების ცნობით, „მილანი“ დანი სებალიოსის სამსახურით ინტერესდება და მადრიდის „რეალთან“ საუბარს გეგმავს...

ამავე გამოცემაზე დაყრდნობით, „როსონერი“ აქტიურად განიხილავს იჯარას, თუმცა როგორც სებალიოსს, ასევე მადრიდის „რეალს“ შეთანხმების აღნიშნული ტიპი არ იზიდავთ.

„რეალს“ თანხის მიღება სურს, ხოლო დანი ძალიან დაიღალა სხვადასხვა კლუბში იჯარით თამაშით და სურს, რომ მისი მომავალი სტაბილური იყოს.

იმ შემთხვევაში, თუ „შავ-წითლები“ ესპანელი ნახევარმცველის სანაცვლოდ 25 მილიონ ევროს გადაიხდიან, ფლორენტინო პერესი მოლაპარაკებებს აქტიურ ფაზაში გადაიყვანს და შეთანხმებაც სავსებით შესაძლებელი იქნება.