სამეფო კლუბის სკაუტები ნიჭიერი და პერსპექტიული ფეხბურთელების აღმოჩენით არიან დაკავებულნი.

მიმდინარე ევროპის ჩემპიონატზე, გულშემატკივრების ყურადღება მიიპყრო ჯერემი დოკუმ, რომელსაც მეოთხედფინალურ სტადიაზე, იტალიის წინააღმდეგ მიეცა თავის გამოჩენის საშუალება. ფეხბურთელმა საკმაოდ კარგი შთაბეჭდილება დატოვა, რამაც მის ცნობადობის ამაღლებას შეუწყო ხელი.

აღსანიშნავია, რომ "რეალი" უკვე რამდენიმე სეზონია აკვირდება 20 წლის შემტევის ასპარეზობას. ჯერ კიდევ "რენში" გადასვლამდე ჰქონდათ მადრიდელებს ინფორმაცია ბელგიელის შესაძლებლობების შესახებ.

დოკუმ განვლილი სეზონი საფრანგეთის ლიგა 1-ში გაატარა. ჩატარებულ 44 შეხვედრაში, 4 შედეგიანი დარტყმა და 8 საგოლე გადაცემა ჩაიწერა აქტივში. მას წარმატებით შეუძლია თამაში როგორც ფრთებზე, ამასთანავე ცრუ ცხრიანის პოზიციაზე.

კონტინენტის პირველობის შემდეგ, "სანტიაგო ბერნაბეუს" წარმომადგენლები გააგრძელებენ დოკუს ბურთაობის ცქერას. ამჟამად, მისი სატრანსფერო ღირებულება 20 მილიონი ევროს ფარგლებში მერყეობს.

AS