დიდი ალბათობით, სერხიო რამოსის კვალდაკვალ, რაფაელ ვარანიც დატოვებს სამეფო კლუბის რიგებს.

შედეგად, მადრიდის "რეალის" დაცვითი ხაზი არცთუ ისე სახარბიელო მდგომარეობაში აღმოჩნდება. აქედან გამომდინარე, "რეალში" აქტიურად განიხილავენ ახალი მცველის დამატების საკითხს.

მადრიდელებში ყველაზე დიდ ინტერესს ჟულე კუნდეს კანდიდატურა იწვევს, თუმცა სატრანსფერო ღირებულება 80 მილიონ ევროს აღწევს, რაც მის გაფორმებას შეუძლებელს ხდის. შესაბამისად, "სანტიაგო ბერნაბეუზე" შედარებით დაბალფასიანი ვარიანტის ძიებაში არიან.

ბოლო პერიოდის განმავლობაში, "რეალისა" და უესლი ფოფანას თანამშრომლობაზე წერენ, თუმცა ჟურნალისტ ფაბრიციო რომანოს ინფორმაციით, "თეთრები" არანაირ ინტერესს არ გამოხატავენ 20 წლის ფრანგის მიმართ. მან წინა სეზონი "ლესტერის" რიგებში გაატარა.

BD