გარეთ ბეილმა ევროპის ჩემპიონატი დაასრულა და ახლა არდადეგებით სარგებლობს.

უელსელმა ფეხბურთელმა განვლილი სეზონი "ტოტენჰემის" შემადგენლობაში გაატარა. მან 36 მატჩში მიიღო მონაწილეობა და 16 შედეგიანი დარტყმა განახორიციელა.

შემტევი ფეხბურთელი დასვენების შემდეგ (ივლისის მეორე ნახევარში), მადრიდში დაბრუნდება და თანაგუნდელებთან ერთად წინასასეზონო მომზადების პროცესში ჩაერთვება. მას "რეალში" კარგად ნაცნობი ანჩელოტი დახვდება, რომელიც მისი დიდი გულშემატკივარია.

შემადგენლობაში გარეთს კიდევ ერთი ქომაგი ჰყავს ლუკა მოდრიჩის სახით. გავრცელებული ინფორმაციით, ფეხბურთელებს შორის რამდენიმე დღის წინ კომუნიკაცია შედგა. ხორვატი მეგობარი ბეილს არწმუნებდა, რომ მადრიდში უნდა დარჩეს, ვინაიდან ის მნიშვნელოვანი ფიგურაა გუნდისათვის.

სავარაუდოდ, ბეილის მომავალი ანჩელოტისთან შეხვედრის შემდეგ გაირკვევა.

BD