ტონი კროოსმა სოციალური ქსელის მეშვეობით ოფიციალური განცხადება გაავრცელა.

როგორც მოსალოდნელი იყო, ნახევარმცველმა სანაკრებო კარიერა დაასრულა. მას გერმანიის ეროვნული ნაკრების მაისურით 106 თამაში აქვს ჩატარებული. ტონის აქტივრში ირიცხება 17 გოლი, 19 ასისტი და რაც მთავარია, 2014 წლის მსოფლიო მუნდიალი.

„ეროვნული გუნდის ღირსება 106-ჯერ დავიცავი და ახლა გადაწყვეტილება მივიღე, დავასრულო სანაკრებო კარიერა. ძალიან მიყვარდა ამ საქმის კეთება, რისთვისაც ყოველთვის ყველაფერს ვიღებდი. რა თქმა უნდა, მსურდა, რომ ჩემს ანგარიშზე 109 თამაში და ევროპის ჩემპიონატის ტიტულიც ყოფილიყო, თუმცა მოვლენები სხვაგვარად განვითარდა. შესაბამისად, 2022 წლის მუნდიალზე, ბუნდეს ნაკრების განკარგულებაში აღარ ვიქნები.

მინდა, რომ მომდევნო წლები მთლიანად დავუკავშირო საკლუბო კარიერასა და უშუალოდ მადრიდის „რეალს.“ ბოლო 11 წლის განმავლობაში, სანაკრებო ბატალიების გამო შესვენების საშუალება არ მქონია, რაც ადვილი არ არის. ჩემი სურვილია, უფრო მეტი დრო დავუთმო მეუღლესა და 3 შვილს. ჩემთვის დიდი პატივი იყო ამ მაისურის ტარება.

მადლობას ვუხდი გულშემატკივრებს, მათი მხარდაჭერაც მუდან თანმდევდა. ამასთანავე, მადლობა კრიტიკოსებს, რომლებიც ექსტრა მოტივაციას მაძლევდნენ. და ბოლოს, განსაკუთრებული მადლობა იოახიმ ლიოვს. მან მომიწვია ნაკრებში და გამხადა მსოფლიოს ჩემპიონი. ჩვენ საკმაოდ დიდი ხნის განმავლობაში ერთად ვწერდით წარმატების ისტორიას. წარმატებებსა და წინსვლას ვუსურვებ ჰანსი ფლიკს.“

AS