როგორც ესპანური და ფრანგული გამოცემები იუწყებიან, რამოსსა და პარიზულ კლუბს შორის კონტრაქტის გაფორმება მხოლოდ დროის საკითხია.

ანდალუსიელი ფეხბურთელი 2 წლიან ხელშეკრულებას გააფორმებს ახალ გუნდთან და მომავალი სეზონიდან დაიცავს მის ღირსებას.

გაზეთ Le Parisien-ის ინფორმაციით, რამოსის გადასვლით, „პსჟ“-ს დაცვით ხაზში სერიოზული კონკურენცია იქმნება, რის გამოც მარკინიოსი და კიმპემბე უკვე გამოთქვამენ უკმაყოფილებას. მათი აზრით, შემადგენლობის აღნიშნული რგოლი გაძლიერებას არ საჭიროებდა. ასეთი დონის მოთამაშის გაფორმება კი იმას ნიშნავს, რომ გუნდის უკვე რომელიმე მოქმედ წევრს სათამაშო პრაქტიკა მნიშვნელოვნად შეუმცირდება.

ფრანგებს მართლაც კვალფიციური მცველები ჰყავთ განაცხადში, თუმცა ლეონარდომ „რეალის“ ყოფილი კაპიტნის უფასოდ წაყვანის შანსი ხელიდან არ გაუშვა.

AS