L'Équipe-ს ინფორმაციით, მბაპემ უკვე გააცნო თავისი გადაწყვეტილება პარიზული გრანდის ხელმძღვანელობას, კონტრაქტის არ გახანგრძლივებასთან დაკავშირებით.

რა თქმა უნდა, მოვლენების ამგვარი განვითარება სამეფო კლუბის წისქვილზე ასხამს წყალს. „სანტიაგო ბერნაბეუზე“ ფიქრობენ, რომ ყველაფერი გეგმის მიხედვით მიმდინარეობს. თუ ფეხბურთელი მართლაც უარს იტყვის არაბი შეიხის სუპერ შეთავაზებაზე, შესაძლებელია, მისი გამადრიდელების პროცესი მიმდინარე ზაფხულსვე დასრულდება. პერესის სტრატეგია მთლიანად ფეხბურთელის ქმედებებზეა აწყობილი და ამ მომენტისათვის, მისი დამოკიდებულება იმედისმომცემია.

საინტერესოა, რა პოზიცია ექნება ნასერ ელ ხელაიფის, რომლისათვისაც ფული ნამდვილად არ წარმოადგენს პრობლემას და მბაპეს საქმე უბრალოდ ღირსების საკითხია. ნაკლებად სავარაუდოა, რომ ფრანგები მბაპეს, მომავალ ზაფხულს, თავისუფალი აგენტის სტატუსით წასვლის საშუალებას მისცემენ.

AS