როგორც იცით, 30 ივნისის 24:00 საათის შემდეგ, სერხიო რამოსი ოფიციალურად ხდება თავისუფალი აგენტი.

ანდალუსიელი ფეხბურთელი აღარ დაელოდა 1-ლი ივლისის დადგომას და სოციალურ ქსელში უკვე განაახლა ინფორმაცია: „ფეხბურთელი და @unicef_es-ის ელჩი. გული, ხასიათი ღირსება.“

ნიშანდობლივია, რომ „რეალის“ გარდა, მოთამაშემ აღწერიდან ამოშალა ესპანეთის ნაკრებიც.

არსებული მომენტისათვის, ფეხბურთელის გვარი ჯერ კიდევ ფიგურირებს კლუბის ოფიციალურ საიტსა და მაღაზიაში.