როგორც იცით, მადრიდის „რეალი“ 5 ივლისს დაიწყებს წინასასეზონო მომზადების პროცესს.

საერთაშორისო ტურნირებიდან გამომდინარე, კარლო ანჩელოტის განკარგულებაში განახევრებული შემადგენლობა იქნება. არსებული ინფორმაციით, ფეხბურთელები (ვარანი, ბენზემა, ბეილი, კროოსი, მოდრიჩი და ალაბა), რომლებმაც უკვე დაასრულეს ასპარეზობა ევროპის ჩემპიონატზე, მადრიდში, თანმიმდევრობით, 19-დან 25 ივლისამდე დაბრუნდებიან.

ამ ეტაპზე უცნობია, თუ როდის შეუერთდებიან თანაგუნდელებს მილიტაო, კაზემირო, ვინისიუსი, ვალვერდე, აზარი და კურტუა, ვინაიდან, ისინი ჯერ კიდევ იცავენ თავიანთი ქვეყნების ღირსებას, შესაბამისად, „კოპა დელ რეისა“ და ევროპის ჩემპიონატზე.

ფაქტობრივად, წინასასეზონო მომზადების გამოტოვება მოუწევთ ასესნიოს, სებალიოსს, ვალეხოსა და კუბოს. ეს უკანასკნელები ზაფხულის ოლიმპიურ თამაშებში მიიღებენ მონაწილეობას. აღნიშნული ტურნირი კი 8 აგვისტოს სრულდება, პრიმერა დივიზიონის დაწყებამდე 1 კვირით ადრე.

ცხადია, მსგავსი სურათი არასახარბიელოა, განსაკუთრებით ახლადდანიშნული მწვრთნელისთვის. იმედია, ანჩელოტი ღირსეულად მიიღებს ამ გამოწვევას.

MARCA