საფრანგეთის ნაკრები ევროპის ჩემპიონატის ერთ-ერთ მთავარ ფავორიტად მოიაზრებოდა, თუმცა „მამლების“ სამწუხაროდ, მოვლენები სხვაგავრად განვითარდა.

შვეიცარიასთან შეხვეედრაში „ლურჯები“ ახლოს იყვნენ გამარჯვებასთან. დეშამის შეგირდებმა არსებული უპირატესობის შენარჩუნება ვერ მოახერხეს და საბოლოოდ, პენალტების სერიაში დამარცხდნენ, რაც ტურნირიდან გამოვარდნის ფასად დაუჯდად.

L'Équipe-ს ინფორმაციით, აღნიშნული მატჩის მიმდინარეობისას, ფრანგ ფეხბურთელებს შორის საკმაოდ დაძაბული გარემო იყო. კერძოდ, ვარანი ღიად დაუპირისპირდა პავარს. მადრიდელმა ბავარიელი მარჯვენა მცველი შეცდომების დაშვებაში დაადანაშაულა. ამ უკანასკნელმა კი, ყველაფერი პოლ პოგბას გადააბრალა.

როდესაც რაფამ „მანჩესტერის იუნაიტედის“ ნახევარმცველს უთხრა, რომ ბენჟამინი სწორედ მის წვლილს ხედავდა გაშვებულ გოლებში, ის მივარდა თანაგუნდელთან და საქმის გარჩევა დაუწყო: „თუ რამის თქმა გინდა, პირდაპირ მითხარი“ - ასე აღწერს ჟურნალისტი ტარაგო სებასტიანი მოედანზე წარმოქმნილ ინციდენტს.

DC