როგორც სჩანს, ლეონარდო სპინაცოლასთვის ევროპის ჩემპიონატი ძალიან დიდი შედეგის მომტანი იქნება.

ესპანური გამოცემების ცნობით, „რომას“ ფეხბურთელზე პრეტენზიას „პსჟ“-მ და კატალონიის „ბარსელონამაც“ გამოაცხადეს.

ჯანლუკა დი მარსიოს ცნობით, აღნიშნული გუნდების მესვეურები „რომას“ დაუკავშირდნენ და სპინაცოლას ირგვლივ არსებულ სიტუაციაზე ინფორმაცია მიიღეს.

იტალიურ გუნდს ოფიციალური წინადადება ჯერ-ჯერობით არცერთი მსურველისგან არ აქვს, მაგრამ კონკურენცია მის ფასს კიდევ უფრო გაზრდის და ფლორენტინო პერესის გეგმა ტრანსფერის 25 მილიონ ევროდ გაჩარხვასთან დაკავშირებით შესაძლოა ხარვეზიანი აღმოჩნდეს.