ლუკა იოვიჩს „მილანისგან“ კონკრეტული შეთავაზება აქვს
იტალიური „მილანი“ ლუკა იოვიჩს 5 წლიან კონტრაქტს სთავაზობს. ვრცელდება ინფომაცია, რომლის მიხედვითაც, სერბი ფეხბურთელის წარმომადგენლებს „როსონერის“ მესვეურები დაუკავშირდნენ და ყველა დეტალი გააცნეს.
იოვიჩს პრე-სეზონის დაწყება სამეფო კლუბთან ერთად მოუწევს, მაგრამ არ იცის, რამდენად ენდობა მას კარლო ანჩელოტი. „რეალს“ აქცენტი კილიან მბაპეზე, ერლინგ ჰოლანდსა და სხვა წინახაზელებზე აქვს გაკეთებული. ამას ემატება კარიმ ბენზემაც, რაც იმას ნიშნავს, რომ ლუკას ადგილი გუნდში ფაქტობრივად არ რჩება.
„მილანი“ სერბ ფორვარდს გაცილებით მეტ სათამაშო დროს პირდება და ღრმად არის დარწმუნებული, ის სერია „ა“-ში გაამართლებს.
La Gazzetta-ს ცნობით, იოვიჩი მადრიდში დაბრუნების შემდეგ ანჩელოტისთან აუდიენციას გამართავს, რის შემდეგაც ბევრი რამ გახდება ცნობილი.
ასევე აღსანიშნავია, რომ „მილანელთა“ გარდა იოვიჩს სხვა მსურველებიც ჰყავს.
ფლორენტინო პერესს თავდამსხმელის სანაცვლოდ მინიმუმ 35 მილიონი ევროს მიღება სურს, რაც გაცილებით ნაკლებია მასში გადახდილ თანხაზე.
- 29 ივნისი 2021
- 607
- 0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
