ევროპის ჩემპიონატის მერვედფინალურ მატჩში, ბელგიამ მინიმალური ანგარიშით დაამარცხა პორტუგალია.

მსაჯის საფინალო სასტვენის შემდეგ, კამერებმა რონალდუ და კურტუა დააფიქსირეს ერთად, ხოლო შემდეგ, ჟურნალისტებმა „რეალის“ ყოფილი გოლეადორის სიტყვები გაშიფრეს, რომელიც მან „ბლანკოსის“ მოქმედ მეკარეს უთხრა: „გაგიმართა, არა? ბურთს არ უნდოდა კარში შესვლა. წარმატებები.“ ტიბომ კრიშტიანუს მიმართვას თბილი გადახვევით უპასუხა.

განვლილ შეხვედრაში, ბელგიელთა კარის დარაჯი, როგორც ყოველთვის მოწოდების სიმაღლეზე გამოიყურებოდა.