კარლო ანჩელოტი უკვე ინფორმირებულია, რომ მისი ფორმაციის მადრიდის „რეალში,“ ბევრი ახალი სახე არ იქნება.

კლუბის ხელმძღვანელობამ იტალიელ სპეციალიტს აუხსნა, რომ შექმნილი ეკონომიკური სიტუაციის ფონზე, „რეალს“ არ ძალუძს ტრანსფერების განხორციელება. მათი თქმით, მიმდინარე ზაფხულს, მადრიდელები მხოლოდ მბაპეს ან ჰოლანდის გადაბირებას ეცდებიან, სხვა ფეხბურთელების მისაყვანად კი, უბრალოდ რესურსი არ ეყოფათ.

გავრცელებული ინფორმაციით, „ბლანკოსის“ ახალი დამრიგებელი გაგებით მოეკიდა აღნიშნულ პოზიციას. მან მიიღო გამოწვევა, რომლის მიხედვითაც, არსებული შემადგენლობით მოუწევს ფონს გასვლა.

ამ ეტაპისთვის, „რეალის“ მომავალი სეზონის გუნდი დაკომპლექტებული არ არის. ანჩელოტი 5 ივლისიდან შეუდგება სრულფასოვან მუშაობას.

MARCA