უკვე ზუსტად 10 წელი გავიდა, რაც რაფაელ ვარანი მსოფლიოს საუკეთესო კლუბში ირიცხება.

სამეფო კლუბმა ფრანგი ცენტრალური მცველი 2011 წლის 27 ივნისს გაიფორმა, ხოლო მისი სადებიუტი შეხვედრა თეთრ მაისურში, 21 სექტემბერს, სანტანდერის "რასინგის" წინააღმდეგ შედგა.

აღნიშნული პერიოდის განმავლობაში, ვარანი "რეალის" შეუცვლელ მოთამაშედ ჩამოყალიბდა. მან კლუბთან ერთად 18 ტიტული მოიგო. საერთო ჯამში ჩაატარა 360 თამაში და 17-ჯერ დაამწუხრა მეტოქე კარის მეკარეები.

ფეხბურთელის "რეალში" 10 წლის იუბილეს კლუბის ოფიციალური ვებგვერდი გამოეხმაურა, ხოლო თავად ვარანმა, სოციალურ ქსელში გაიხსენა მნიშვნელოვანი თარიღი.

შეგახსენებთ, რომ ბოლო პერიოდში ბევრი იწერება რაფას გუნდიდან წასვლის თაობაზე.