სერხიო რამოსი, რომელიც უკვე დაემშვიდობა მადრიდის „რეალს,“ რამდენიმე დღეში ოფიციალურად მოირგებს თავისუფალი აგენტის სტატუსს.

Foot Mercato-ს ინფორმაციით, სამეფო კლუბის აწ უკვე ყოფილი კაპიტანი „პსჟ“-ში გააგრძელებს კარიერას. აღნიშნულს ის ფაქტიც ადასტურებს, რომ ფეხბურთელი უკვე საცხოვრებელს ეძებს პარიზში, სადაც ოჯახთან ერთად მოუწევს მომდევნო რამდენიმე წლის გატარება.

როგორც იწერება, რამოსის ფრანგულ გრანდში გადასვლა, დიდწილად ნეიმარის ფაქტორმა განაპირობა. ესპანელსა და ბრაზილიელს შესანიშნავი ურთიერთობა აქვთ. ამის პარალელურად, „ოთხიანს“ ახალ გასახდელში ყოფილი თანაგუნდელები (დი მარია და ნავასი) და თანამემამულეები (სარაბია, ერერა, რიკო და ბერნატი) დახვდებიან.

AS