ფლორენტინო პერესმა მარსელო ვიეირას მომავალზე გადაჭრით ისაუბრა. პრეზიდენტი რაფაელ ვარანის ირგვლივ განვითარებულ მოვლენებსაც შეეხო...

„მარსელო ვიეირა მომდევნო სეზონში მადრიდის „რეალის“ პირველი კაპიტანი იქნება. ეს გადაწყვეტილება მიღებულია. ჩვენ პატივს ვცემთ ბრაზილიელ ფეხბურთელს და გვჯერა, რომ მომდევნო სეზონში დიდ დახმარებას გაგვიწევს.“

„მე ვთვლი, რომ მარსელო და რობერტო კარლოსი ფეხბურთის ისტორიის ყველაზე ძლიერი მარცხენა მცველები არიან.“

„რაც შეეხება რაფაელ ვარანს. სანამ ევროპის ჩემპიონატი არ დასრულდება, ფრანგ ფეხბურთელზე ვერაფერს გეტრყვით. ჯერ-ჯერობით მოლაპარაკებები შეჩერებულია. უკანახაზელთან დაკავშირებით ყველაფერი შეიძლება მოხდეს, ამიტომ არაფერს გამოვრიცხავ.“

„ვარანი ჯენტლმენია, მას არასდროს უჭირდა საკუთარი პოზიციის დაფიქსირება. თუ წასვლა სურს, აუცილებლად გვეტყვის.“