განვლილი სეზონი ბრაზილიელი მცველისთვის ყველაზე უფერული გამოდგა მადრიდულ კარიერაში.

ფერლანდ მენდის წარმატებული და სტაბილური თამაშის წყალობით, მარსელომ ძირითად შემადგენლობაში დაკარგა კუთვნილი ადგილი. ყოველივე ამის გათვალისწინებით, სამხრეთ ამერიკელ ფეხბურთელს, რომელიც რამოსის წასვლის შემდეგ გუნდის კაპიტანი გახდა, მიმდინარე ზაფხულს „რეალის“ დატოვებას უწინასწარმეტყველებდნენ, თუმცა ჟურნალისტ ფაბრიციო რომანომ, მისი გულშემატკივრებისათვის საკმაოდ დამაიმედებელი ინფორმაცია გაავრცელა. მისი თქმით, „რეალი“ და კონკრეტულად კარლო ანჩელოტი მარსელოს გაშვებას არ აპირებენ. მას ახალი ფორმაციის „ბლანკოსში“ ერთ-ერთი მნიშვნელოვანი როლი ექნება.

სამეფო კლუბში ღიმილიანი ბიჭის შემცვლელად, ახალგაზრდა მიგელ გუტიერესსაც მოიაზრებდნენ. როგორც ჩანს, კასტილიელს ცოტა ხანი ლოდინი მოუწევს.