ლუკა მოდრიჩმა დიდი წვლილი შეიტანა ხორვატიის ეროვნული ნაკრების მიერ ჯგუფური ეტაპის დაძლევაში. მან შოტლანდიასთან ნამატჩევს ემოციები გაუზიარა ჟურნალისტებს.

„ამგვარი თამაშის შემთხვევაში, ნებისმიერი გუნდისთვის სახიფათო მოწინააღმდეგე ვიქნებით. ახლა კარგად დავისვენებთ და მომავალ მეტოქეს დაველოდებით.“

„ბუნებრივია, ბედნიერნი ვართ, ვინაიდან შოტლანდიასთან მატჩში სასურველი ფეხბურთი ვაჩვენეთ და მოვიპოვეთ შემდეგი ეტაპის საგზური, რაც ჩვენი მთავარი ამოცანა იყო.“

საგულისხმოა, რომ მოდრიჩი ყველაზე ახალგაზრდა და ყველაზე ასაკოვანი მოთამაშეა, რომელმაც ხორვატიის ნაკრების მაისურით კონტინენტის პირველობაზე მოახერხა თავის გამოჩენა. სადებიუტო გოლი 2008 წელს, ავსტრიას გაუტანა. მაშინ მისი ასაკი 22 წელსა და 273 დღეს შეადგენდა, ხოლო გუშინდელი გოლის მომენტში, ლუკა 35 წლისა და 286 დღის იყო.