როგორც იცით, რამდენიმე დღის წინ რომაულმა კლუბმა უარი განაცადა „რეალის“ შეთავაზებაზე, რომელიც მაიორალისა და სპინაცოლას ბარტერს გულისხმობდა.

ამჯერად, სამეფო კლუბის ინტერესში მოექცა 22 წლის როჯერ იბანიესი. მას „სანტიაგო ბერნაბეუზე“ რაფაელ ვარანის ერთ-ერთ შემცვლელად მოიაზრებენ. ბრაზილიელი მცველის სატრანსფერო ღირებულება 25 მილიონ ევროს შეადგენს.

აღსანიშნავია, რომ მადრიდელებს არც ამ შემთხვევაში სურთ თანხის გადახდა და „რომას“ მაიორალისა და იბანიესის გაცვლას სთავაზობენ. ჯერჯერობით უცნობია იტალიელების პოზიცია.

„რომას“ დამრიგებელი ახალი სეზონიდან კარგად ნაცნობი ჟოზე მოურინიო იქნება.