რობერტო კარლოსის აზრით, მადრიდის „რეალს“ აშრაფ ჰაკიმი გუნდიდან არ უნდა გაეშვა და ის ფინანსური სარგებელი, რაც საბოლოო ჯამში „ბლანკოსს“ მაროკოელის გაყიდვით ექნება, ვერაფრით გაუტოლდება იმ სარგებელს, რომელსაც ფეხბურთელი გუნდს მოუტანდა.

„ჰაკიმი ბრწყინვალე ფლანგელია. როდესაც მაროკოელის თამაშს ვუყურებ ხშირად მახსენდება კაფუ და ხავიერ ძანეტი. ესენი არიან ფეხბურთელები, რომლებმაც მარჯვენა ფლანგზე სიახლე დანერგეს და ქომაგებს განსხვავებულად დაანახეს მარჯვენა ფლანგის მცველის ფუნქციები.“

„აშრაფი ბრწყინვალე იყო „ინტერში“. ამ კლუბს დიდ პატივს ვცემ და ყოველთვის მადლიერი ვიქნები, ვინაიდან სწორედ „ნესაძურიდან“ დაიწყო ჩემი ევროპული კარიერა. სწორედ მილანურმა კლუბმა გამიხსნა გზა დიდი კარიერისკენ.“

„მე ვფიქრობ, რომ „რეალის“ მხრიდან ჰაკიმის გაშვება შეცდომა იყო და ზიდანს ის დარჩენაში უნდა დაერწმუნებინა. მისი კოლექტივიდან გაშვება შეცდომა იყო.“