ინგლისურ პრესაში გავრცელებული ინფორმაციების თანახმად, ტოტენჰემ ჰოტსპურის ხელმძღვანელობა დაინტერესებულია, სამეფო კლუბის ფეხბურთელის, გუტის შეძენით...

როგორც The Sun & Daily Mirror იუწყებიან "მამლებს" ძალიან სურთ ესპანელი ფეხბურთელის საკუთარი გუნდის რიგებში ხილვა. მათი აზრით ესპანელი ნახევარმცველი რეალს აუცილებლად დატოვებს და ტოტენჰემს ექნება შანსი, მსოფლიოს ერთ-ერთი საუკეთესო ნახევარმცველის ყიდვის.

ასევე ზემოთხსენებულ წყაროებზე დაყრდნობით, ინგლისელები თანხასაც ასახელებენ, რომელსაც ერნანდესის სანაცვლოდ გაიღებენ. ეს თანხა 8.5 მილიონ ევროს შეადგენს. მადრიდულ მხარესთან ჯერჯერობით არანაირი მოლაპარაკება არ არის დაწყებული, სავარაუდოდ ყველაფერი მუნდიალის დასრულების შემდეგ გაირკვევა.