ევროპის ჩემპიონატის მეორე ტურის შეხვედრები საინტერესოდ მიმდინარეობს.

საფრანგეთის ეროვნული ნაკრები გათამაშების ერთ-ერთ აუტსაიდერთან მხოლოდ ქულას დასჯერდა. „მამლებმა“ პირველი ტაიმის მიწურულს გოლი გაუშვეს უნგრელებისგან და მხოლოდ 66-ე წუთზე, გრიზმანის წყალობით მოახერხეს წონასწორობის აღდგენა. საბოლოოდ 1-1 დაფიქსირდა ტაბლოზე.

ვარანიცა და ბენზემაც სასტარტო შემადგენლობიდან ირჯებოდნენ. მცველმა 90 წუთი გაატარა მოედანზე, ხოლო თავდამსხმელმა 76. აღსანიშნავია, რომ კარიმს მეტოქის დამწუხრების კარგი შანსიც ჰქონდა, თუმცა მბაპეს პასი გაანიავა.

ამრიგად, F ჯგუფში სიტუაცია საკმაოდ დაიძაბა. ყველაფერი ბოლო ტურში გადაწყდება, სადაც „ლურჯები“ პორტუგალიელებს შეერკინებიან.