ცნობილია, თუ როდის შეიძენს „რეალი“ პაუ ტორესს
„ბლანკოსი“ 24 წლის ცენტრალურ მცველს დიდი ხნის განმავლობაში აკვირდება.
განვლილი სეზონი პაუ ტორესისთვის შესანიშნავი გამოდგა. ფეხბურთელმა „ვილიარეალთან“ ერთად ევროპა ლიგაზე მოახერხა ტიტულის მოგება. ახლა კი, ახალგაზრდა მოთამაშე „ფურია როხას“ ძირითადი შემადგენლობის წვერია და ევროპის ჩემპიონატზე ასპარეზობს.
სამეფო კლუბის დიდი სურვილია, რომ პაუ საკუთარ რიგებში იხილოს, თუმცა მიმდინარე სატრანსფერო ფანჯარაზე, როდესაც მთავარ პრიორიტეტიად მბაპეს გამადრიდელება ითვლება, მადრიდელები ფეხბურთელში 50 მილიონ ევროს ვერ გადაიხდიან. „რეალი“ 2022 წლის ზაფხულში აპირებს მცველის დამატებას.
ტორესის მიმართ ინტერესს გამოთქვამს „მანჩესტერ იუნაიტედიც.“ „წითელი ეშმაკები“ ახალი სეზონის დაწყებამდე შეეცდებიან მის გაფორმებას, მაგრამ ტრანსფერის გაჩარხვა ადვილი ნამდვილად არ იქნება. სექტემბრიდან „ყვითელი წყალქვეშა ნავი“ ჩემპიონთა ლიგაზე დაიწყებს ასპარეზობას და შესაბამისად, ესპანელების გეგმებში შემადგენლობის შესუსტება სულაც არ შედის.
as
- 19 ივნისი 2021
- 2 281
- 65