„პსჟ“ მზად არის, სერხიო რამოსისთვის ბრძოლაშ მოწინავე პოზიციების დასაკავებლად ყველაფერი გაიღო. ფრანგული კლუბის ხელმძღვანელობა მანჩესტერ „იუნაიტედს“, „სიტის“, „მილანს“, „ბაიერნს“ და სხვა კლუბებს დიდ კონკურენციას გაუწევს.

ალ ჰელაიფი მზად არის, რამოსს „პსჟ“-ში გადასვლისთვის ერთჯერადი სატრანსფერო ბონუსის სახით 20 მილიონი ევრო გადაუხადოს. გარდა ამისა, პარიზული გრანდი სერხიოს 2+1 ფორმატის კონტრაქტს შესთავაზებს, სადაც ფეხბურთელის შემოსავალი 15 მილიონ ევროს მიაღწევს.

ამ ყველაფერთან ერთად, პარიზელები რამოსს და მის ოჯახს საფრანგეთის დედაქალაქში სახლს უყიდიან.

რაც შეეხება სარეკლამო შემოსავლებს. რამოსი სრულიად გათავისუფლდება „პსჟ“-სთან რაიმე სახის თანხის გადახდის ვალდებულებისგან, რომელიც მის სარეკლამო შემოსავლებს დაუკავშირდება.