„რეალში“ დაბრუნების შემდეგ გამართულ პრესკონფერენციაზე, ანჩელოტიმ დასძინა, რომ დიდ ყურადღებას მიაქცევს კლუბის აკადემიის ფეხბურთელებს.

განვლილ სეზონში, შემადგენლობაში არსებული საკადრო პრობლემების გამო, რაც ძირითადათ ტრავმებითა და კორონავირუსით იყო გამოწვეული, ზიდანი ხშირად უხმობდა პირველ გუნდში კასტილიელ მოთამაშეებს, მათ შორის იყო სერხიო არიბასი, რომელმაც საერთო ჯამში 10 შეხვედრაში მიიღო მონაწილეობა. ახალგაზრდა ნახევარმცველმა იასპარეზა როგორც პრიმერა დივიზიონის, ასევე ჩემპიონთა ლიგის მასშტაბით.

გავრცელებული ინფორმაციით, არიბასის შესაძლებლობებით (იჯარის წესით წაყვანა) ლეგენდარული რონალდოა დაინტერესებული, რომელიც „რეალ ვალიადოლიდის“ მფლობელია. გამომდინარე იქედან, რომ აღნიშნული კლუბი პრიმერა დივიზიონს დაემშვიდობა, ახალი სეზონიდან მათი მიზანი კვლავ უმაღლეს ლიგაში დაწინაურება იქნება და ამისათვის, კონკურენტუნარიანი შემადგენლობის ჩამოყალიბება მართებთ.

„რეალშ“ მზად არის ახალგაზრდა ფეხბურთელები პრაქტიკის ამაღლების მიზნით გაანათხოვროს, თუმცა „სანტიაგო ბერნაბეუზე“ ყურადღებით მოუსმენენ თითოეულ წინადადებას, ვინაიდან მათ არ სურთ, რომ სხვა მოთამაშეებმა კუბოსა და რეინიერის ბედი გაიზიარონ, რომლებსაც ამჟამინდელ გუნდებში ნაკლები სათამაშო დრო ეძლევათ.