სამეფო კლუბის აწ უკვე ყოფილი კაპიტანი ახალი კლუბის ძიებაშია.

ბუნებრივია, სერხიო რამოსის მიმართ რიგი ევროპული გრანდები იჩენენ ინტერესს. „რეალიდან“ წასვლის წინ, მან დასძინა, რომ მზად იყო კლუბში დარჩენის შემთხვევაში ყოველწიური ჰონორარის დაქვეითებაზე, თუმცა ამ შემთხვევაში, ანდალუსიელი ფეხბურთელი სარფიანი წინადადებისკენ მიისწრაფვის.

ხოსეპ პედრეროლის (ჟურნალისტი) ინფორმაციით, რამოსის ამჟამინდელი მოთხოვნა პოტენციური გუნდის მიმართ შემდეგია - ხელფასი ყოველწლიურად 15 მილიონი ევრო და ტრანსფერის ერთჯერადი ბონუსი 20 მილიონი ევროს ოდენობით.

ამ ეტაპისათვის, სერხიოს გაფორმების ყველაზე დიდ სურვილს, „მანჩესტერ იუნაიტედი,“ „მანჩესტერ სიტი“ და „პსჟ“ გამოთქვამენ.

ცნობისათვის, რამოსის ანაზღაურება სამეფო კლუბში 12 მილიონ ევროს შეადგენდა.