ესპანეთის სამეფოს ფეხბურთის ფედერაციამ და ლა ლიგამ 2021-2022 წლების სეზონის დაწყების თარიღთან დაკავშირებით შეთანხმებას მიაღწიეს.

მაშასადამე, პრიმერა დივიზიონის ახალი სეზონი 14-15 აგვისტოს აიღებს სტარტს, ხოლო ბოლო ტურის მატჩები 21-22 მაისს გაიმართება. ამასთანავე ცნობილი გახდა, რომ 24 იანვრიდან 1-ლი თებერვლის ჩათვლით ჩემპიონატში მატჩები არ გაიმართება, ხოლო 2022 წლის პირველი პაექრობები, 2 იანვარს შედგება.

RFEF-ს ცნობით, „კოპა დელ რეის“ ფინალი 22 აპრილს არის დაგეგმილი.