უკვე ბევრი იწერება იმის შესახებ, რომ ბენზემასა და მბაპეს შორის ბრწყინვალე ურთიერთობა ჩამოყალიბდა.

„რეალის“ საუკეთესო მეგოლე არცთუ ისე დიდი ხნის წინ შეუერთდა საფრანგეთის ეროვნულ ნაკრებს, თუმცა კარიმმა უკვე მოასწრო კილიანთან დამეგობრება. ისინი ჩინებულად უგებენ ერთმანეთს არა მხოლოდ ცხოვრებაში, არამედ მწვანე მინდორზეც. Defensa Central-ის ინფორმაციით, ახალგაზრდა ვარსკვლავი გაცილებით კომფორტულად გრძნობს თავს მოედანზე, როდესაც გვერდს ბენზემა უმაგრებს. ის მისთვის უკეთესი პარტნიორია, ვიდრე ნეიმარი.

ცხადია, რომ ამ ყველაფერს მბაპე საჯაროდ არასოდეს განაცხადებს, მაგრამ შეუიარაღებელი თვალითაც ადვილია მათი ჰარმონიის დანახვა. სწორედ ამის ნათელი დასტური იყო გერმანიის ნაკრებთან მეორე ტაიმის მიწურულის გატანილი გოლი, რომელიც თამაშგარე მდგომარეობის გამო გაუქმდა.