როგორც იცით, მიმდინარე სატრანსფერო ფანჯარაზე მადრიდის „რეალის“ პირველი ახალწვეულის სტატუსი დავიდ ალაბამ მოირგო.

ევროპის ჩემპიონატიდან გამომდინარე, სადაც ფეხბურთელი ავსტრიის ეროვნული ნაკრებს კაპიტნობს და საკმაოდ წარმატებითაც, მისი წარდგენა სამეფო კლუბში სამომავლოდაა დაგეგმილი. აღსანიშნავია, რომ ამ ეტაპისათვის ცნობილიც არ არის, თუ რა ნომრით იასპარეზებს ალაბა „ბლანკოსის“ რიგებში. არსებული მომენტისთვის მისი ფავორიტი ციფრები (8 და 27) დაკავებულია.

გავრცელებული ინფორმაციით, თუ რაფაელ ვარანმა მადრიდის დატოვება გადაწყვიტა, რისი შანსიც საკმაოდ მაღალია, დავიდი 5 ნომრიანი მაისურის ახალი მფლობელი გახდება.