სერხიო რამოსი, რომელიც გარკვეული მიზეზის გამო ევროპის ჩემპიონატს ტოვებს, სოციალური ქსელის მეშვეობით ამხნევებს თანამემამულეებს.

ჯერ კიდევ სამეფო კლუბის მოქმედი კაპიტანი, ერთ-ერთი ბოლო პოსტის დროს, გულშემატკივრების წინაშე ახალი ველოსიპედით წარსდგა, რომელიც მეტად შთამბეჭდავად გამოიყურებოდა.

Greyp G12s - ამ სახელწოდებას ატარებს რამოსის ახალი „სათამაშო.“ ის ხორვატული კომპანიის მიერ არის შექმნილი და საკმაოდ საინტერესო მონაცემებიც აქვს: აღჭურვილია 16 ცხენის ძალის მქონე ძრავით, ავითარებს 70 კმ/სთ სიჩქარეს და მაქსიმალური დამუხტვის შემთხვევაში, 120 კმ. გავლა შეუძლია.

აღნიშნული მოდელის ღირებულება დაახლოებით 10,000 ევროს ფარგლებში მერყეობს.