სამეფო კლუბის ახალი დამრიგებელი დროს უქმად არ კარგავს.

მიუხედავად იმისა, რომ „რეალის“ პრე-სეზონი 5 ივლისს აიღებს სტარტს, კარლო ანჩელოტი გარკვეული გეგმებისა და მონახაზების შემუშავებით არის დაკავებული. მისი მთავარი საზრუნავია, ტრავმებთან დაკავშირებით, შარშანდელი სეზონის სცენარი (საერთო ჯამში 59 ტრავმა) არ განმეორდეს და ამისათვის, ფიზიური მომზადების მწვრთნელთან ერთად აქტიურად მუშაობს. სამწვრთნელო შტაბის მიზანია, რომ ფეხბურთელი სასურველ კონდიციებში შეხვდნენ ახალ სეზონს, რომელშიც „ბლანკოსი“ ყველა ფრონტზე იბრძოლებს.

ანჩელოტი ყველა ფეხბურთელის მიმართ ერთნაირად მომთხოვნი იქნება. ის საკმაოდ მაღალ სტანდარტებს დაუწესებს თითოეულ მოთამაშეს, რათა მათი ათლეტური შესაძლებლობები გაუმჯობესდეს.

ამასთანავე, მოთამაშეები ყოველდღიურ რეჟიმში გაკონტროლდებიან, თუ რამდენად ხდება მათი მხრიდან შესაბამისი ვალდებულებების შესრულება. ყველა მათგანს შეუმუშავებენ კვების რაციონს, რომლის დაცვაზეც ასევე მკაცრი მეთვალყურეობა განხორციელდება.

იტალიელი დამრიიგებელი ყველაფერს გააკეთებს, რომ შეგირდების ფიზიკური ფორმა დამაკმაყოფილებელი იყოს.