ესპანური ABC-ს ცნობით, მადრიდის „რეალის“ ხელმძღვანელობას ჯულს კუნდესთან ინტენსიური კავშირი აქვს. სამეფო კლუბი ახალგაზრდა მცველს აუცილებლად დაიმატებს, თუ „ბლანკოსს“ რაფაელ ვარანი დატოვებს.

ვარანის მომავალი ძალიან მალე გაირკვევა, მანამდე კი კუნდეს მოთმენა მოუწევს. ამ ყველაფრის პარარელურად, მანჩესტერ „იუნაიტედი“ არ კარგავს იმის იმედს, რომ „რეალსა“ და ფრანგს შორის მოლაპარაკება ვერ შედგება და ჯულსი პრემიერლიგისკენ აიღებს გეზს.

ABC იუწყება, რომ „სევილია“ კუნდეს 70 მილიონ ევროზე ნაკლებად არ შეელევა, თუმცა სამეფო კლუბი ამ თანხას არ დაიშურებს, ვინაიდან კარგად ხვდება, რომ რაფაელ ვარანის შემცვლელი დასჭირდება.