ბრიტანული Daily Express-ის ცნობით, მანჩესტერ „იუნაიტედის“ ფრანგ წინახაზელს, ენტონი მარსიალს პრემიერლიგის დატოვებას სურს და რამდენიმე ვარიანტს განიხილავს.

ზემოაღნიშნულ წყაროზე დაყრდნობით, მარსიალის აგენტი სამეფო კლუბის ხელმძღვანელობას უკვე ესაუბრა და საკუთარი კლიენტი შესთავაზა.

მარსიალის მიზანი „იუნაიტედის“ რიგების დატოვებაა, „ბლანკოსში“ გადასვლა კი იდეალური ვარიანტი იქნებოდა. ენტონის მანჩესტერულ კლუბთან კონტრაქტი 2024 წელს ეწურება, თუმცა ძნელად წარმოუდგენია, რომ ხელშეკრულებით გათვალისწინებული ვადის ფარგლებში ინგლისში დარჩეს.

25 წლის წინახაზელის ფასი 40 მილიონ ევროს აღწევს.