ესპანური გამოცემები იუწყებიან, რომ სერხიო რამოსი „რეალიდან“ მაინც მიდის და მიუხედავად იმისა, რომ 1 წლიან კონტრაქტს დათანხმდა, საერთო პოზიცია აღარ შეიცვლება.

„რამოსმა დააგვიანა“-სწორედ ასეთი სათაურებით გამოდიან ესპანური გამოცემები და აცხადებენ, რომ კაპიტანმა შეცდომა დაუშვა და მან კონტრაქტის გახანგრძლივებაზე თანხმობა ჯერ კიდევ დეკემბერში უნდა განეცხადებინა.

სერხიოს უნდა მიებაძა მოდრიჩისთვის, ვასკესისთვის, კაზემიროსთვის და სხვებისთვის, თუმცა სხვაგვარი გადაწყვეტილება მიიღო.

Bernabeudigital იუწყება, რომ კაპიტანი „რეალიდან“ მაინც მიდის, ვინაიდან პოზიციის შეცვლის მიუხედავად, „ბლანკოსის“ ხელმძღვანელობის მხრიდან შემხვედრ ნაბიჯებს ვეღარ ხედავს.

18 დღეში სერხიოსთან არსებული კონტრაქტი იწურება.