მიუხედავად იმისა, რომ ჯულს კუნდეს მანჩესტერ „იუნაიტედის“ ხელმძღვანელოამ ოფიციალური წინადადებით უკვე მიმართა, ფრანგი მცველი მადრიდის „რეალის“ გააქტიურებას ელოდება.

ჯულსი „სევილიას“ აუცილებლად დატოვებს, მაგრამ მისი მიზანი „რეალში“ გადასვლაა და არა მანჩესტერ „იუნაიტედში“, აქედან გამომდინარე, ფრანგი უკანახაზელი ინგლისურ მხარესთან მოლაპარაკებებს აჭიანურებს.

თავის მხრივ, ფლორენტინო პერესი კუნდეს იმ შემთხვევაში შეიძენს, თუ „რეალს“ რამოსი-ვარანის დუეტიდან ერთ-ერთი დატოვებს. რამოსთან დაკავშირებით სიახლეებია, ის დიდი ალბათობით კონტრაქტს გაახანგრძლივებს, მაგრამ ვარანს დარჩენა არ სურს და „ბლანკოსი“ მის სანაცვლოდ 70 მილიონის მიღებას გეგმავს.

ფრანგი მცველის საკითხი დიდი ალბათობით ივლისის მეორე ნახევარში გადაწყდება.