როგორც ჩანს, „ატლეტიკოსა“ და „ბარსელონასთან“ ერთად, ახალგაზრდა ესპანელი ნახევარმცველის შესაძლებლობებით ანჩელოტიც არის დაინტერესებული.

ფაბიან რუისს 2023 წლის ზაფხულამდე აკავშირების მოქმედი კონტრაქტი „ნაპოლისთან,“ თუმცა, გამომდინარე იქედან, რომ კლუბმა ჩემპიონთა ლიგის საგზური ვერ მოიპოვა, ფეხბურთელს სერია ა-ს დატოვება აქვს გადაწყვეტილი, მაგრამ არც ნეაპოლიტანელები შეელევიან მარტივად მას.

გაზეთ Sport-ის ინფორმაციით, ფაბიანის სატრანსფერო ღირებულება 60 მილიონი ევროს ფარგლებში მერყეობს, რაც საკმაოდ სოლიდურ თანხას წარმოადგენს. შესაბამისად, რამდენად შეძლებენ მადრიდში ანჩელოტის სურვილის დაკმაყოფილებას, რთული გამოსაცნობი არ არის.