ის, რომ ჯულს კუნდე მომდევნო სეზონში „სევილიას“ ღირსებას არ დაიცავს, ფაქტობრივად გადაწყვეტილია. ახალგაზრდა უკანახაზელი დიდი პოპულარობით სარგებლობს, როგორც ესპანეთში, ასევე მის ფარგლებს გარეთ.

კუნდე ზიდანის ფავორიტი იყო, მაგრამ როგორც სჩანს, მას კარლო ანჩელოტიც დიდ პატივს სცემს და მიიჩნევს, რომ „რეალს“ იდეალურად მოერგება.

სამეფო კლუბის გარდა კუნდეზე პრეტენზიას აქამდე მანჩესტერ „იუნაიტედი“ აცხადებს, ახლა კი ასპარეზზე „ბარსელონაც“ გამოჩნდა, რომელიც დაცვის ხაზის გაძლიერებას აპირებს.

ფეხბურთელის ფასი ამ ეტაპზე 60-იდან 70 მილიონ ევრომდე მერყეობს.