გერმანული „ბილდ“-ის ცნობით, მადრიდის „რეალის“ ერთ-ერთი სატრანსფერო სამიზნე რობერტ ლევანდოვსკი ხდება, რომელმაც „ბაიერნის“ დატოვება განიზრახა, თუმცა ფლორენტინო პერესისთვის მისიის შესრულება მარტივი არ იქნება, ვინაიდან პოლონელ ფეხბურთელზე ინგლისიდან და საფრანგეთიდან ინადირებენ.

მანჩესტერ „იუნაიტედი“, ლონდონის „ჩელსი“ და „პსჟ“ - ეს სწორედ იმ გუნდების ჩამონათვალია, რომლებიც პოლონელი, გამოცდილი ფორვარდის დამატებაზე აცხადებენ პრეტენზიას.

პარიზელთა მთავარი მწვრთნელი, მაურისიო პოჩეტინო მიიჩნევს, რომ ლევანდოვსკი მინიმუმ 3 სეზონის განმავლობაში შეძლებს უმაღლესი კლასის ჩვენება და „პსჟ“-ს ჩემპიონთა ლიგის მოგებაში დაეხმარება.

ამ ეტაპზე რობერტის ფასი დაახლოებით 50 მილიონი ევროა, თუმცა დიდი ინტერესიდან გამომდინარე, „რეკორდმაისტერი“ ყველაფერს გააკეთებს იმისათვის, რომ 32 წლის მოთამაშის სანაცვლოდ უფრო დიდი თანხა მიიღოს.