Le10Sport-ის ინფორმაციით, ჯერ კიდევ მაშინ, სანამ მადრიდის „რეალში“ კარლო ანჩელოტი დაბრუნდებოდა და კლუბი მაურისიო პოჩეტინოს კანდიდატურასაც განიხილავდა, „პსჟ“-მ ზინედინ ზიდანს 3 წლიანი კონტრაქტი და სუპერ ტრანსფერები შესთავაზა...

ამავე წყაროზე დაყრდნობით, ზიზუმ პარიზულ გუნდს შეუთვალა, რომ საფრანგეთში მისი გუნდი მხოლოდ „მარსელია“ და მთავარ მწვრთნელობას არ დათანხმდება.

ასევე ვრცელდება ინფორმაცია, რომლის მიხედვითაც, ზიზუს უახლოესი წრის წარმომადგენელი, ალენ მილიაჩიო დიდ ზეგავლენას ახდენს ფრანგი ლეგენდის გადაწყვეტილებებზე და მაქსიმალურად ცდილობს, რომ „ბლანკოსის“ ყოფილ მწვრთნელს პოზიცია შეაცვლევინოს.