Deportes Cuatro იუწყება, რომ სერხიო რამოსმა კარიერა შესაძლოა კვლავ ლა ლიგაში განაგრძობს, თუმცა არა მადრიდის „რეალის“ რიგებში.

როგორც სჩანს, კაპიტანი „სევილიას“ ვარიანტსაც განიხილავს, რომელიც მოთამაშის მიმართ ინტერესს იჩენს. აქ ყველაზე დიდი პრობლემა ის არის, რომ ანდალუსიური კლუბი სერხიოს ხელფასის სახით მაქსიმუმ 6 მილიონ ევროს სთავაზობს და სხვა შესაძლებლობა არ აქვს.

იმ შემთხვევაში, თუ რამოსი „სევილისათან“ 3 წლიან კონტრაქტს მოაწერს ხელს, არ არის გამორიცხული, რომ კარიერა სწორედ იმ კლუბში დაასრულოს, სადაც სახელი გაითქვა და 2005 წელს „ბლანკოსის“ საგზური მოიპოვა.

Deportes Cuatro-ს ცნობით, ანდალუსიელები რამოსის ძმასთან შეხვედრას აპირებენ.