მილანის „ინტერში“ ფინანსური კრიზისია. კლუბი იძულებული ხდება რამდენიმე ფეხბურთელი გაყიდოს და შემოსავლის სახით დაახლოებით 180 მილიონი ევრო დააფიქსიროს.

ვრცელდება ინფორმაცია, რომლის მიხედვითაც, „შავ-ლურჯები“ აშრაფ ჰაკიმის გაშვებას გეგმავს და მსურველმა კლუბმა 70 მილიონი ევრო უნდა გაიღოს.

მაროკოელი ფეხბურთელი მაურისიო პოჩეტინოს რადარზეა, რომელიც თვლის, რომ დღესდღეობით ჰაკიმი საუკეთესო მარჯვენა მცველია.

„ინტერი“ არც „რეალს“ ეტყვის უარს, თუ ფლორენტინო პერესი მილანური კლუბის 32 მილიონიან ვალს გაქვითავს და დამატებით 35 მილიონამდე გადაიხდის.