როგორც სჩანს, ჯულს კუნდეს ტრანსფერზე მადრიდის „რეალი“ სერიოზულად მუშაობს.

ესპანური გამოცემების ცნობით, „ბლანკოსის“ ხელმძღვანელობა სევილიელი უკანახაზელის აგენტს შეხვდა და 6 წლიანი კონტრაქტის პირობები გააცნო.

კუნდეს მიმართ ინტერესს „ბლანკოსის“ გარდა მანჩესტერ „იუნაიტედიც“ იჩენს, მაგრამ თუ ეს უკანასკნელი რაფაელ ვარანის დამატებას შეძლებს, კუნდეზე ბრძოლას შეეშვება.

გავრცელებული ინფორმაციით, სამეფო კლუბი ახალგაზრდა მცველს წლიურად 6 მილიონ ევროს შესთავაზებს.