სამი ხედირამ კარლო ანჩელოტის მადრიდის „რეალში“ დაბრუნება მიულოცა და განაცხადა, რომ იტალიელის სახით სამეფო კლუბში დიდი მწვრთნელი დაბრუნდა.

„ანჩელოტი გენიალური მწვრთნელი და ადამიანია. მახსოვს ის მძიმე დღეები, როდესაც ეროვნულ ნაკრებში ტრავმა მივიღე და დიდი ხნის გამოტოვება მიწევდა. კარლო ყოველდღიურად მირეკავდა და ჩემს ამბავს კითხულობდა.“

„იტალიელი სპეციალისტი ყოველთვის მიმეორებდა, რომ მთელი გუნდი ჩემს გვერდით იდგა და ჩვენ ერთი ოჯახი ვიყავით.“

„მოკლე დრო, რომელიც ანჩელოტისთან ერთად გავატარე ნამდვილად სასიამოვნო იყო, ის ნამდვილი პროფესიონალია.“