„მალიორკას“ დიდი გეგმები აქვს. ესპანურ კლუბში თვლიან, რომ ლა ლიგაში ადგილის შესანარჩუნებლად გუნდს რესურსის გაზრდა სჭირდება.

ტაკეფუსა კუბო, რომელიც იჯარის წესით „ხეტაფეში“ თამაშობდა, მადრიდის „რეალში“ უნდა დაბრუნდეს, თუმცა კარლო ანჩელოტი მასზე გათვლის გაკეთებას არ აპირებს და ძალიან მაღალი ალბათობით, იაპონელი ფეხბურთელი მომდევნო სეზონსაც იჯარით გაატარებს რომელიმე კლუბში.

ტაკეს ერთ-ერთი მსურველი „მალიორკაა“. თავის მხრივ, 20 წლის შემტევ ფეხბურთელს ამ კლუბში თამაშის გამოცდილება აქვს და საერთოდ არ არის გამორიცხული, „წითლებთან“ შეთანხმება შედგეს.