როგორც იცით გუშინ კაკას გუნდმა (ბრაზილიამ) ჯგუფური ეტაპის მეორე მატჩიც მოიგო. "რეალის" ნახევარმცველმა შეხვედრის დასრულების შემდეგ კომენტარი გააკეთა.

"რა თქმა უნდა გამარჯვება ძალიან სასიამოვნოა. ამ გრძნობას სიტყვებით ვერ აღწერ. რაც მთავარია გუნდმა გაიმარჯვა და შემდეგ ეტაპზე უკვე გავედით."

"გულდაწყვეტილი ვარ, რადგან პორტუგალიის წინააღმდეგ დისკვალიფიკაციის გამო ვერ ვითამაშებ. ჩემი აზრით, ეს მატჩი ძალიან საინტერესო და ამავდროულად რთული იქნება. მაგრამ მე აუცილებლად დავესწრები ამ შეხვედრას და თანაგუნდელებს ვუგულშემატკივრებ."

"უზომოდ ბედნიერი ვარ იმით, რომ ორი საგოლე გადაცემა გავაკეთე. მოხარული ვარ ელანოს და ლუის ფაბიანოს წარმატებებით. იმედია ბრაზილია შემდეგ ეტაპზე უფრო კარგად ითამაშებს."