სამეფო კლუბთან 3 წლიან კონტრაქტზე ხელმოწერის შემდეგ, კარლო ანჩელოტი თავისი უფლებამოსილების განხორციელებას შეუდგა.

იტალიელი დამრიგებლის გადაწყვეტილებით, მადრიდის „რეალი“ 7 ივლისს დაიწყებს პრე-სეზონს. მის განკარგულებაში ის მოთამაშეები იქნებიან, რომლებიც ეროვნულ ნაკრებში არ არიან გამოძახებულნი.

როგორც ცნობილია, ახალი სეზონისთვის მოსამზადებელ ეტაპს გუნდი „ვალდებებასზე“ გაივლის. არსებული პანდემიიდან გამომდინარე, „ბლანკოსს“ სხვადსხვა ქვეყნებში მოგზაურობა და ამხანაგური შეხვედრების გამართვა არ აქვს დაგეგმილი.

აღსანიშნავია, რომ ანჩელოტის დანიშვნამდე, გუნდის შეკრების თარიღად 12 ივლისი მოიაზრებოდა. პაპა კარლომ 5 დღით შეუმცირა არდადეგები შეგირდებს.

MARCA