თითქმის 6 წლიანი პაუზის შემდეგ, საფრანგეთის ეროვნული ნაკრების რიგებში კვლავ გამოჩნდა კარიმ ბენზემა.

უელსთან გამართულ ამხანაგურ შეხვედრაში, „მამლებმა“ 3 უპასუხო გოლი (1-0 მბაპე, 2-0 გრიზმანი, 3-0 დემბელე) გაუტანეს მეტოქეს. აღსანიშნავია, რომ „რეალის“ თავდამსხმელი საწყისი წუთებიდან გავიდა მწვანე მინდორზე და შეუცვლელადაც იასპარეზა. მას პირველ ტაიმში გოლის გატანის კარგი შანსი მიეცა, თუმცა თერთმეტმეტრიანის გამოყენება ვერ მოახერხა. აღნიშნულის გარდა, ბენზემამ კიდევ 3-ჯერ შეაწუხა მოწინააღმდეგე მეკარე და მატჩის მიწურულს ასისტიც ჩაითავალა აქტივში. საერთო ჯამში, ფორვარდს ნაყოფიერი შეხვედრა გამოუვიდა.

საგულისხმოა, რომ ბრიტანელთა მხარეს ირჯებოდა გარეთ ბეილი. ეს უკანასკნელი 59-ე წუთზე შეცვალეს.