ტომას რონსერომ მადრიდის „რეალის“ პრეზიდენტს, ფლორენტინო პერესს გადაწყვეტილება მოუწონა. რონსეროს განცხადებით, ზინედინ ზიდანის დაკარგვით გამოწვეული დანაკლისი მადრიდულმა გრანდმა კარლო ანჩელოტის სახით ძალიან კარგად შეავსო...

„ზიზუ დიდი დანაკარგია. ბევრი მადრიდისტა დღესაც ვერ აცნობიერებს, რომ ფრანგმა ლეგენდამ სამეფო კლუბი დატოვა, თუმცა უნდა აღინიშნოს, რომ ფლორენტინო პერესის მხრიდან კარლო ანჩელოტის დანიშვნა საუკეთესო გამოსავალი იყო. კარლიტო ძალიან გამოცდილი და მადრიდულ გრანდზე უზომოდ შეყვარებული ადამიანია. მიხარია, რომ იტალიელს კვლავ ვიხილავ „მერენგების“ დამრიგებლად.“

„კონტე ჟოზე მოურინიოს დაბალფასიანი ვარიანტი იყო. მე ვფიქრობ, რომ ანჩელოტის დანიშვნა საუკეთესო გამოსავლაი გახლდათ.“

„პოჩეტინოსა და „პსჟ“-ს ომი „რეალის“ ინტერესებშიც არ შედიოდა, ვინაიდან არგენტინელის მადრიდში გადმოსვლის შემთხვევაში მბაპეს ტრანსფერი კიდევ უფრო გართულდებოდა.“

„რაული? ის გამოცდილებას დააგროვებს და ადრე თუ გვიან ჩაიბარებს მადრიდული გუნდის მთავარი მწვრთნელის პოსტს.“