ესპანური გამოცემების ცნობით, ანტონიო კონტემ მადრიდის „რეალთან“ 2+1 ფორმატის კონტრაქტზე თანხმობა უთხრა და ხელფასის შემცირებასაც დათანხმდა, თუმცა ფლორენტინო პერესი იტალიელი სპეციალისტის პროექტს ვერ აკმაყოფილებს...

კონტეს სამეფო კლუბში სერიოზული ცვლილებების განხორციელება სურს და ამისთვის მინიმუმ 400 მილიონი ევროს დახარჯვა სჭირდება, ამ თანხის გამოსაყოფად კი ფლორენტინო პერესი მზად არ არის.

პერესის უმთავრესი ოცნება კილიან მბაპეა. პრეზიდენტი თვლის, რომ ფრანგი ფეხბურთელის დამატების შემთხვევაში „ბლანკოსში“ ბევრი პრობლემა მოგვარდება და გუნდი მინიმუმ ლა ლიგის მოგებას შეძლებს.

კონტეს აზრით, პრობლემებს მხოლოდ კილიანის ტრანსფერი (ისიც სავარაუდო) ვერ მოაგვარებს.

ამ ყველაფრის პარერელურად კი ესპანური გამოცემები 99%-იანი დარწმუნებით იუწყებიან, რომ სამეფო კლუბის სათავეში ანჩელოტის ვიხილავთ.